АДМИН
Цагдаагийн байгууллагад гуравдугаар сарын 27-ний өдрийн 00 цагийн орчимд Баянзүрх дүүргийн Улаанхуарангийн эцсийн буудлын хойд талд хүн зодуулж, ухаангүй байдалтай Баянзүрх дүүргийн нэгдсэн эмнэлэгт хүргэгдэн ирээд нас барлаа гэсэн дуудлага мэдээлэл бүртгэгджээ.
Дуудлага, мэдээллийн дагуу тус дүүргийн цагдаагийн байгууллагын нэгдүгээр хэлтсийн албан хаагчид шалгалтын ажиллагааг шуурхай зохион байгуулж, шалгалтаар 27 настай эрэгтэй "Т"-г 20 настай эрэгтэй "Б", 22 настай эрэгтэй "Д" нар нь бүлэглэн зодож, амь насыг хохироосон болохыг урьдчилан байдлаар тогтоосон бөгөөд хэрэг бүртгэлтийн хэрэг нээж шалгалтын ажиллагааг үргэлжлүүлж байна.
|
Нийгэм
