АДМИН
Нийслэлийн Засаг дарга бөгөөд Улаанбаатар хотын Захирагч Д.Сумъяабазар БНСУ-ын Сөүл хотод ажиллаж байна. Хотын дарга Сөүл хотын Замын хөдөлгөөний удирдлагын ерөнхий төв буюу TOPIS-ийн үйл ажиллагаатай танилцжээ.
Энэ тухайгаа өөрийн цахим хуудастаа: "Сөүл хотын Замын хөдөлгөөний удирдлагын ерөнхий төв буюу TOPIS-ийн үйл ажиллагаатай танилцлаа. Бидний зорьж байгаа тогтолцоо, зохицуулалт Сөүл хотод бүрэн утгаараа хэрэгжиж байна.
- Сөүл хот замын хөдөлгөөнөө бүрэн хянаж байна. Тухайлбал автобус нэг бүрийг, бүх такси, метро, түрээсийн дугуй гэх мэтээр замын хөдөлгөөнд бүрэн хяналт тавьж, ухаалгаар зохицуулж байна.
- Тоо баримт, тооцоо, судалгаа бодитоор гарч байна. Бодит мэдээлэл дээр тулгуурласан учир гаргасан шийдвэр хөрсөн дээрээ бууж, хэрэгжихэд илүү дөхөм байдаг.
- Тогтолцоо өөрөө олон нийтийг соёлтой, хариуцлагатай болгодог юм байна. Бид ч ийм тогтолцоог зорьж байгаа" хэмээн нийтэлжээ.
|
Нийгэм
