АДМИН
Гэрээний үүргээ биелүүлсэн хэмээх үндэслэлээр Боловсролын зээлийн сангаас авсан зээлээ тэглүүлсэн зээлдэгчдийн нэрс болон чөлөөлөхөөр шийдвэрлэсэн тухайн үеийн сайд нарын тушаалыг өчигдөр олон нийтэд ил болгосон.
Нээлттэй мэдээллээс харахад УИХ-ын гишүүн асан, Тавантолгой ХК-ийн ТУЗ-ын гишүүн Р.Раш гуайн охин Р.Оргилмаа нь 2009 онд АНУ-ын Арканзасын их сургуульд суралцахаар БЗС-гаас 32 мянган ам.долларын зээл авч байжээ. Үүнийг одоогийн ханшаар авч үзвэл, 110 сая төгрөгтэй дүйцэх хэмжээний зээл авч, гадаадад суралцсан гэсэн үг юм.
Гэтэл уг зээлийг БШУ-ы сайд Л.Энх-Амгалан 2023 оны хоёрдугаар сарын 01-ний өдөр А/31 тоот тушаалаар зээлээс чөлөөлсөн байна.
|
Нийгэм
