АДМИН
Хилийн цэргийн 0303 дугаар ангийн алба хаагч, гүйлтийн спортын дэд мастер, дэслэгч Г.Гүррагчаа Сүхбаатар аймгийн Баруун-Урт хотноо зохион байгуулагдсан Монгол Улсын хөнгөн атлетикийн холбооны Зүүн бүсийн аварга шалгаруулах тэмцээнд 06 дугаар сарын 10-нд оролцов. Дэд мастер Г.Гүррагчаа нь гүйлтийн 5,10, 21, 42 км-ийн зайн төрөлд гүйдэг тамирчин бөгөөд энэ удаа 5 км-ийн зайд нийт 100 гаруй тамирчидтай өрсөлдөж, гуравдугаар байрт шалгарч хүрэл медаль хүртлээ. Дашрамд дурдахад, зургаадугаар сарын 3-нд зохион байгуулагдсан “Улаанбаатар марафон” тэмцээнд Хил хамгаалах байгууллагыг төлөөлөн оролцсон Хилийн цэргийн 0303 дугаар ангийн тамирчин, спортын мастер, ахлагч Э. Төртогтох элит ангиллын 10 км-ийн зайд шагналт 5 дугаар байр, дэд мастер, дэслэгч Г.Гүррагчаа элит ангиллын 42 км-ийн зайд шагналт 9 дүгээр байранд шалгарсан амжилтыг үзүүлсэн юм. Одоо тус хоёр тамирчин зургаадугаар сарын 24,25-ны өдрүүдэд зохион байгуулагдах хөнгөн атлетикийн улсын аварга шалгаруулах тэмцээнд оролцохоор бэлтгэл сургуулилтаа хангаж байна.
|
Нийгэм
