АДМИН
Өнөөдөр УИХ-ын чуулган нээлтээ хийж намын бүлгүүд хуралдаж байна. МАН-ын бүлгийн хуралдаанаар олон нийтийн шүүмжлэлийг дагуулаад буй нийтийн тээврийн парк шинэчлэлийн хүрээнд оруулж ирсэн ногоон автобусны асуудлыг хэлэлцэх аж.
Тодруулбал, Нийтийн тээврийн парк шинэчлэлийн хүрээнд эхний ээлжид БНСУ-ын DAEWOO компанийн автобуснууд орж ирсэн ч шаардлага хангаагүй, ашиглалтын хугацаа дууссан хуучин автобуснууд байж болзошгүй нөхцөл байдал тогтоогдоод байгаа юм.
Дээрх асуудалтай холбогдуулан өнгөрсөн шөнө ЭЦА-аас тендерт шалгарсан Тэнүүн Огоо ХХК-ийн удирдлагууд болон Нийслэлийн худалдан авах ажиллагааны газрын зарим албан тушаалтанг цагдан хорьж шалгалтын ажиллагааг эхлүүлсэн.
Тэгвэл өнөөдөр МАН-ын бүлгийн хуралдаанаар уг асуудлыг хэлэлцэж Түгжрэл хариуцсан сайд Ж.Сүхбаатар болон Нийслэлийн Засаг дарга бөгөөд Улаанбаатар хотын захирагч Д.Сумьяабазар нараас мэдээлэл сонсоно. Түүнчлэн бүлгийн хуралд МУ-ын Ерөнхий сайд биеэр оролцох аж.
|
Нийгэм
