АДМИН
Өнөөдөр УИХ дахь МАН-ын бүлгийн хуралдаанаар нийтийн тээврийн парк шинэчлэлийн хүрээнд оруулж ирсэн ногоон автобусны худалдан авалтын талаарх асуудлыг хэлэлцсэн. Хэлэлцэж буй асуудалтай холбогдуулан дээрх асуудлаар Түгжрэл хариуцсан сайд Ж.Сүхбаатар, Нийслэлийн Засаг дарга бөгөөд Улаанбаатар хотын захирагч Д.Сумъяабазар нар мэдээлэл өгсөн юм.
Түгжрэл хариуцсан сайд Ж.Сүхбаатарын тухайд Ёс зүйн хариуцлага хүлээж ажлаас чөлөөлөгдөх хүсэлтээ гаргасан тухайгаа мэдэгдсэн.
Харин хотын дарга Д.Сумъяабазарын тухайд зарим хэвлэлд байр сууриа илэрхийлсэн байна.
Тэрбээр:
Тухайн нийтийн тээврийн парк шинэчлэлийн хүрээнд зохион байгуулагдаж буй ажлын төсвийн ерөнхийлөн захирагчаар Ж.Сүхбаатар сайд өөрөө ажилласан. Бүх төсөв мөнгө Ж.Сүхбаатар сайдын гарын үсгээр гарч байгаа. Миний оролцоо байхгүй. Хууль хяналтын байгууллага шалгаад надтай холбоотой, буруутай үйлдэл тогтоогдвол би хариуцлага хүлээхэд бэлэн байна. Айгаад байх зүйл байхгүй гэв.
|
Нийгэм
