АДМИН
Баян-Өлгий аймгийн Ногооннуур сумын .. дугаар багийн “Ямаат” гэдэг газар /аймгийн төвөөс зүүн хойд зүгт 130 км-т, сумын төвөөс зүүн урд зүгт 30 км-т/ тус сумын харьяат малчин Е нь 10 сарын 02-ны өдрийн 09:00 цагийн орчим “Ачит” нуурын орчим малаа хариулж яваад сураггүй болсон бөгөөд унаж явсан морь нь 10 сарын 03-ны өдөр гэрийнхээ гадна иржээ. Орон нутгаас эрэн хайх ажиллагааг зохион байгуулж байгаа боловч үр дүнд хүрээгүй, нуурын усанд осолдсон байж болзошгүй тул хүч нэмэгдүүлэн ажиллах тухай хүсэлтийг 10 сарын 03-ны өдрийн 20:40 цагт хүлээн авсан.
Тус аймгийн Онцгой байдлын газрын Гал түймэр унтраах, аврах 31 дүгээр анги, Эрэн хайх, аврах бүлгийн алба хаагчид 10 сарын 4-ний өдрийн 11:00 цагт ангиас гарч 130 км замыг туулан 18:25 цагт очиж, Ногооннуур сумын харьяат малчин Е/40 настай, эрэгтэй/-ыг эрэн хайх ажиллагааг зохион байгуулж, мөн өдрийн 18:45 цагт “Ачит” нуурын ус /4 метрийн гүнээс/-аас цогцсыг нь олж, тус сум дахь Цагдаагийн тасагт шилжүүлэн өгсөн байна.
Эх сурвалж: ОБЕГ
|
Нийгэм
