МҮЭ-ийн холбооны хөгжлийн хөтөлбөрийн асуудлаарх ОУХБ-ын Ажилтны үйл ажиллагааны товчоо МҮЭ-ийн холбооны уулзалт боллоо. Уулзалтад МҮЭ-ийн холбооны эмэгтэйчүүд, залуучууд, хяналтын хороо, ажлын албаны ажилтнууд оролцож “МҮЭ-ийн холбооны үйл ажиллагаа, цаашдын зорилт” сэдвийн хүрээнд хэлэлцүүлэг болов. Тус уулзалтыг ОУХБ-ын Ажилчдын үйл ажиллагааны товчоо (ACTRAV)-ны Ази, Номхон далайн бүсийн байгууллага хариуцсан ахлах ажилтан Ариэл Кастро, 

Ази номхон далайн бүсийг хариуцсан ажилтан Ravi Ravinara Chanaka, МҮЭ-ийн холбооны ерөнхийлөгч С.Эрдэнэбат нар нээлээ. 

Оролцогчдод Ази номхон далайн бүсийг хариуцсан ажилтан Ravi Ravinara Chanaka МҮЭ-ийн холбоотой хамтран ажиллах чиглэлийг тодорхой болгох зорилгоор Олон улсын туршлагаас хуваалцаж, мэдээлэл солилцсон юм. 

Оролцогчид МҮЭ-ийн холбооны үйл ажиллагаа, цаашдын зорилтын хүрээнд хэлэлцүүлэг өрнүүлж, энэ хүрээнд МҮЭ-ийн холбооны хөгжлийн хөтөлбөрийг хэрэгжүүлэх төлөвлөгөөнд тусгах саналыг танилцууллаа. 

Сургалтын төгсгөлд МҮЭ-ийн холбооны ерөнхийлөгч С.Эрдэнэбат зохист хөдөлмөрийн хүрээний ҮЭ-ийн үйл ажиллагааны чиглэлийн модель загварыг танилцуулсанд талархаж байгаагаа илэрхийлж энэ нь МҮЭ-ийн цаашдын ажилд тус дэмтэй туршлага байсныг онцлоод ҮЭ-ийн зүгээс хүч хүрэхгүй томоохон ажлуудад туслалцаа хүсэхээ илэрхийлсэн юм. 

Харин Олон улсын хөдөлмөрийн байгууллагын Ажилчдын үйл ажиллагааны товчоо (ACTRAV)-ны Ази, Номхон далайн бүсийн байгууллага хариуцсан ахлах ажилтан Ариэл Кастро удахгүй болох тус байгууллагын хуралд энэхүү сургалтаас гарсан саналыг танилцуулахаа илэрхийлсэн юм.