АДМИН
2023 оны 12 сарын 05-ны өдрийн 15:00-16:00 цагийн орчим Хэнтий аймгийн Өндөрхаан сумаас Бор-Өндөр сумын чиглэлд суудлын автомашинтай вакцин тээвэрлэн зорчиж явсан Бор-Өндөр сумын “Цэгцүүлэн дом” өрхийн эрүүл мэндийн төвийн ажилтан Ц, Н нар нь сураггүй болсон тухай дуудлагыг 12 сарын 06-ны өдрийн 01:00 цагт хүлээн авсан. Тус аймгийн Онцгой байдлын газрын Бор-Өндөр сум дахь Онцгой байдлын хэлтсийн дарга, хошууч Г.Мөнхнарангаар ахлуулсан алба хаагчид Бор-Өндөр сумын Өрхийн эрүүл мэндийн төвийн ажилтан Ц /54 настай, эрэгтэй/, Н/51 настай, эмэгтэй/ нарыг эрэн хайх ажиллагааг мөн өдрийн 01:25 цагаас зохион байгуулж 04:30 цагт Хэнтий аймгийн Дархан сумын 3 дугаар багийн “Хөөврийн хөтөл” гэдэг газар /аймгийн төвөөс баруун урд зүгт 160 км-т, Бор-Өндөр сумын төвөөс зүүн хойд зүгт 40 км-т/-аас эсэн мэнд олсон байна. Тухайн газар автомашин нь цасанд суусан байсныг татан гаргажээ.
|
Нийгэм
