Сүхбаатар аймгийн Баруун-Урт сумын 8 дугаар багийн "Эрдэнэ-Ус " гэдэг газар /аймгийн төвөөс баруун  зүгт 27 км-т/ Тус сумын харьяат малчин Б нь 12 сарын 20-ны өдрийн 18:30 цагийн орчим гэрээсээ гараад сураггүй болсон тухай дуудлагыг 12 сарын 20-ны өдрийн 21:40 цагт хүлээн авсан.  Тус аймгийн онцгой байдлын газрын Эрэн хайх, аврах салбарын алба хаагчид малчин Б /54 настай, эрэгтэй/-ыг эрэн хайх ажиллагааг 12 сарын 21-ний өдрийн 01:25 цагаас зохион байгуулж 10:49 цагт тус багийн "Хөтөл" гэдэг газар /гэрээс нь баруун зүгт 10 км/-аас эсэн мэнд олсон.   

Архангай аймаг, Эрдэнэбулган Цогт-Уул багийн 1 дүгээр гудамжинд сурагч М нь 12 сарын 20-ны өдөр хичээлээ тараад гэртээ хариагүй тухай дуудлагыг 12 сарын 21-ний өдрийн 18:45 цагт хүлээн авсан. Тус аймгийн Онцгой байдлын газрын Эрэн хайх, аврах салбар, Архангай аймаг дахь Цагдаагийн газрын алба хаагчид, Ерөнхий боловсролын ...  дүгээр сургуулийн .. дугаар ангийн сурагч М /15 настай, эмэгтэй/-г 18:55 цагаас эхлэн эрэн хайх ажиллагааг зохион байгуулж, эсэн мэнд олсон.

Ховд аймаг, Дарви сум Дэлгэр багийн “Цагдуулт” гэдэг газар /аймгийн төвөөс зүүн урд зүгт 230 км-т, сумын төвөөс урд зүгт 32 км-т/ Тус сумын харьяат малчин Г нь 12 сарын 21-ний өдрийн 10:00 цагт явганаар мал хариулж яваад сураггүй болсон тухай дуудлагыг 22:15 цагт хүлээн авсан. Дарви сумын Засаг даргын Тамгын газрын ажилтнууд  малчин Г /48 настай, эрэгтэй/-ыг эрэн хайх ажиллагааг зохион байгуулж өндөр хаднаас унаж хөлөө хугалсан байхад нь 01:15 цагт тус багийн "Цагдуулт" гэдэг газар /гэрээс нь хойд зүгт 9 км/-аас эсэн мэнд олсон байна.