АДМИН
Эрүүл мэндийн яамнаас урьдчилан сэргийлэх, эрт илрүүлэг үзлэг оношилгоог хөдөө орон нутгийн иргэд, малчид, тариаланчдад ойртуулах зорилгоор Улсын нэгдүгээр төв эмнэлэг, Улсын хоёрдугаар төв эмнэлэг, Улсын гуравдугаар төв эмнэлгийн эмч нараар ахлуулсан явуулын багийг ажиллуулж байгаа.
Улсын гуравдугаар төв эмнэлгийн 19 хүний бүрэлдэхүүнтэй эмч нарын баг Ховд аймгийн Булган суманд эрт илрүүлгийг зохион байгуулж байна.
Тус баг 5 хоногийн хугацаанд нийт 400 орчим иргэнийг эрт илрүүлэгт хамруулжээ.
Эмнэлгийн зориулалтаар иж бүрэн тоноглосон хоёр автомашинтай үзлэг хийж буй баг нэг машиндаа лабораторийн шинжилгээ, дурангийн оношилгоо, эмэгтэйчүүдийн үзлэг хийж буй бол нөгөөд нь рентгенд харах, шүд, чих хамар хоолой, нүд, дотрын эмчийн үзлэгийг хийж байна.
|
Нийгэм
