АДМИН
Эх орон, ард түмнээ авран хамгаалах үйлсдээ өргөсөн тангарагтаа үнэнчээр зүтгэж буй үе үеийн зоригт хөвгүүддээ “Олон Улсын Гал сөнөөгчдийн өдөр”-ийн баярын мэндийг дэвшүүлье.
Австралийн Виктория мужийн хүн ам суурьшсан бүсэд 1998 оны арванхоёрдугаар сарын 2-нд ойн томоохон хэмжээний түймэр гарч олон хоног үргэлжлэн ассан байна. Улмаар 1999 оны нэгдүгээр сарын 4-ний өдөр уг түймрийг унтраахаар ажиллаж байсан Линтон хотын Геелонг Вестийн Гал унтраах ангийн гал сөнөөгчид болох Гарри Вредевельдт, Крис Эванс, Стюарт Дэвидсон, Жейсон Томас, Мэттью Армстронг нар амь насаа алджээ.
Эдгээр гал сөнөөгчдийн дурсгалыг хүндэтгэн дэслэгч Эдмонсон дэлхий дахинд и-майл бичин олон улсад түгээснээр “Олон улсын гал сөнөөгчдийн баяр”-ын өдрийг тэмдэглэх болж, улс орон бүр гал сөнөөгчдийг алдаршуулан, тэдний бахархлын өдөр болгожээ.
НИЙСЛЭЛИЙН ОНЦГОЙ БАЙДЛЫН ГАЗАР
ОНЦГОЙ БАЙДЛЫН ЕРӨНХИЙ ГАЗАР
|
Нийгэм
