АДМИН
Тусгай зөвшөөрөлгүйгээр газрын хэвлийд халдсан хууль бус үйлдлийн илрүүлэн таслан зогсоолоо. Тухайлбал Төв аймгийн цагдаагийн байгууллагад Үл таних хүмүүс техник хэрэгсэл ашиглаж газар ухаж байна" гэх дуудлага мэдээлэл 2024 оны 4-р сарын 18-ны өдөр иржээ. Мэдээллийн дагуу цагдаагийн байгууллагаас шалгахад тус аймгийн Өндөрширээт сумын нутагт иргэн Ц зэрэг нэр бүхий иргэд тусгай зөвшөөрөлгүйгээр ашигт малтмал олборлох зорилгоор газрын хэвлийг хөндсөн байжээ.
Энэ хэрэгт Экологийн цагдаагийн албанаас мөрдөн шалгах ажиллагаа явуулж экологи, эдийн засгийн үнэлгээ хийхэд 6 сая 800 мянган төгрөгийн хохирол учруулсан нь тогтоогдсон. Тиймээс Эрүүгийн хуулийн 24.2.1-т зааснаар яллагдагчаар татан хэргийг шүүхэд шилжүүлэх саналтайгаар прокурорын байгууллагат шилжүүлжээ.
|
Нийгэм
