АДМИН
Монголын Үндэсний Бөхийн Холбоо, Монгол Улсын Их Сургуулийн Монгол хэл, хэл шинжлэлийн тэнхимийн “Монгол хэл, соёлыг өдөрлөг”-ийг “Чингис хааны хүрээ” жуулчны баазад 2024 оны 5-р сарын 11-ний өдөр зохион байгуулахад хамтран ажиллалаа.
Монгол хэл, үндэсний соёл уламжлалыг сурталчлах зорилготой тус өдөрлөгт МҮБХ-ны ерөнхий нарийн бичгийн дарга, МУИС-ийн төгсөгч Т.Түмэндэмбэрэл, Улсын ахлах засуул Б.Булгаа, Улсын засуул Л.Анхболд болон Сэлэнгэ, Архангай, Говь-Алтай, Төв аймгийн сумын заан, залуу бөхчүүд монгол бөхийн соёл, уламжлал, жаяг дэгийг танилцуулсан юм.
Энэхүү өдөрлөгт МУИС-ийн Монгол хэл, хэл шинжлэлийн тэнхимийн багш нар, бакалавр, магистр, докторын түвшний суралцагч, төгсөгчид болон монгол хэлний бэлтгэл анги (гадаад оюутнууд)-д суралцаж буй АНУ, БНСУ, БНХАУ, ОХУ зэрэг 10 гаруй улсын оюутнууд оролцсон юм.
|
Нийгэм
