АДМИН
Монгол улсын Засгийн газар, Зам, тээврийн хөгжлийн яамнаас ойрын ирээдүйд төмөр замын сүлжээгээ 4 дахин өргөтгөн, ачаа тээврийн хэмжээг 5 дахин нэмэгдүүлж 180 сая тоннд хүргэх бодлого баримтлан ажиллаж байна.
Үүнийг бодит ажил хэрэг болгоход хамгийн чухал нь сайн техник, хөдлөх бүрэлдэхүүний бүрэн бүтэн байдал юм.
Өнөөдөр АНУ-д үйлдвэрлэсэн 4500 морины хүчин чадалтай хамгийн сүүлийн үеийн 6 зүтгүүрийг ачаа тээвэрлэлтэд ашиглаж эхлэхэд бэлэн болоод байна.
Мөн жилд 1500 ачааны вагон засах хүчин чадалтай, ОУ-ын чанар стандартад нийцсэн тоног төхөөрөмж бүхий зүтгүүр, вагоны засварын төвийн төслийг амжилттай хэрэгжүүлж үйл ажиллагааг эхлүүллээ.
Ингэснээр экспортын хэмжээ нэмэгдэж эдийн засгийн эргэлт сайжрах, төмөр замын тээврийн зардал 3-4 дахин буурах, төмөр замын салбарыг шинэ шатанд хүргэх чухал ач холбогдолтой.
|
Нийгэм
