АДМИН
Өнөөдөр 2024 оны зургаадугаар сарын 30-ны 14:00 цагийн байдлаар Улаанбаатар хотын Хонхор, Улиастай, Тэрэлж, Гачууртын чиглэлд дуу цахилгаантай, усархаг ширүүн бороо орох төлөвтэй байна гэж ЦУОШГ-аас мэдээллээ.
Иймд энэ чиглэлд зорчиж буй иргэд аюулгүй байдлаа хангахыг анхааруулж байна.
Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх;
Хүүхдийг гол горхи, нуур, цөөрмийн ойр тоглуулахгүй байх;
Согтууруулах ундаа хэрэглэсэн үедээ гол усанд орохгүй байх;
Булчин, шөрмөс татсан үед гол усанд орохоос татгалзах;
Гол горхи, нуурын ус гатлахдаа баталгаат зам гүүрээр зорчих;
Голын эрэг дагуу байрласан сануулга, самбаруудыг анхаарч аюулгүй байдлаа хангах;
Хийлдэг гудас, завьтай голд орохгүй байж гол, усны ослоос сэргийлэхийг Онцгой байдлын газраас зөвлөж байна.
|
Нийгэм
