АДМИН
Өнөөдөр буюу долдугаар сарын 10-ний өдрийн байдлаар Сэлэнгэ мөрөн Хялганат тосгон, Хэнтий нурууны баруун хажуугийн Туул /Заамар/ , зүүн хажуугийн Хэрлэн /Чойбалсан/ зэрэг голуудын усны түвшин өмнөх өдрийнхөөс 5-15 см нэмэгдсэн байна. Түүнчлэн Хэрлэн, Буянт, Хархираа гол үерийн түвшнийг 5-20 см, Туул гол Лүн сум орчимд үерийн аюултай түвшнийг 30 см давсан байдалтай байна. Ойрын өдрүүдэд ихэнх нутгаар түр зуурын бороо орох төлөвтэй тул дээрх голууд болон гол мөрний сав дагуух хот, суурин газрын ард иргэд, зусаж, суурьшиж буй малчид, аялж амарч яваа ард иргэдийг үерийн аюулаас сэрэмжтэй байхыг ЦУОШГ-аас онцгойлон анхааруулж байна.
|
Нийгэм
