АДМИН
Өвөрхангай аймаг, Арвайхээрийн есдүгээр багийн 50 дугаар гудамжаас нэг хүн долдугаар сарын 14-ний өдрийн 08:00 цагийн орчимд гэрээсээ гараад сураггүй алга болсон тул хүч нэмэгдүүлэн ажиллах тухай хүсэлтийг Цагдаагийн байгууллагаас долдугаар сарын 15-ны өдрийн 21:00 цагт Онцгой байдлын газарт ирүүлжээ. Тус аймгийн Онцгой байдлын газрын Эрэн хайх аврах салбарын алба хаагчид, Цагдаагийн газрын алба хаагч, ар гэрийн хүмүүстэй хамтран Б /17 настай, эрэгтэй/-ыг эрэн хайх ажиллагааг зохион байгуулж байна. Тус өдрийн 21:22 цагаас долдугаар сарын 16-ны өдрийн 00:45 цаг хүртэл “Ноён хайрхан” гэдэг газрын чиглэлд эрэн хайх ажиллагааг зохион байгуулсан. Долдугаар сарын 16-ны өдөр эрэн хайх ажиллагааг дахин эхлүүлээд байгаа ажээ.
|
Нийгэм
