Улаанбаатар хот, Сүхбаатар дүүрэг, 20 дугаар хорооны “Сэлбэ зуслан”-гийн “Задгай”-д байшин шатаж байна гэсэн дуудлагыг долдугаар сарын 16-ны өдрийн 06:51 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчид 17.5 км зам туулан 07:15 цагт очиход эзэнгүй 8х7 метрийн хэмжээтэй байшингийн дээвэр, 2х3 метрийн хэмжээтэй цахилгааны өрөө шатаж байсныг 30 минут ажиллаж унтраасан.

Улаанбаатар хот, Чингэлтэй дүүрэг, 18 дугаар хорооны  “Яргайт”-ын 38 дугаар гудамжинд байшин шатаж байна гэсэн дуудлагыг долдугаар сарын 16-ны өдрийн иргэн 22:49 цагт хүлээн авсан. Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчид 4 км зам туулан 22:56 цагт очиход иргэн Б-ийн 1х2 метрийн хэмжээтэй нүхэн жорлон, иргэн Э-ын 4х8 метрийн хэмжээтэй байшингийн дээвэр шатаж байсныг 30 минут ажиллаж унтраасан.           

Дархан-Уул аймаг, Дархан сум, 6 дугаар багийн “Хөтөл” хорооллын “Задгай”-д төвлөрсөн хогийн цэг шатаж байна гэсэн дуудлагыг долдугаар сарын 16-ны өдрийн 23:39 цагт хүлээн авсан. Тус аймгийн Онцгой байдлын газрын Гал түймэр унтраах, аврах 54 дүгээр ангийн алба хаагчид 23:45 цагт очиж их хэмжээний хог шатаж байсныг 2 цаг 3 минут ажиллаж унтраасан.   

Улаанбаатар хот, Баянзүрх дүүрэг, 10 дугаар хорооны “Задгай”-д байшингийн дээвэр шатаж байна гэсэн дуудлагыг долдугаар сарын 16-ны өдрийн 23:43 цагт хүлээн авсан. Тус дүүргийн Онцгой байдлын хэлтсийн Гал түймэр унтраах аврах 63 дугаар ангийн алба хаагчид 5.5 км зам туулан 23:51 цагт очиход 30х40 метрийн хэмжээтэй эзэнгүй сэндвичэн барилгын дээвэр шатаж байсныг 20 минут ажиллаж унтраасан.