АДМИН
Триатлоны Улсын аварга шалгаруулах тэмцээн 7-р сарын 20, 21-нд Хэнтий аймгийн Цэнхэрмандал суманд болох гэж байна.
Тэмцээнд оролцохоор бүртгүүлсэн тамирчдын дунд урьд өмнө улсын аварга болж байсан хашир туршлагатай спортын мастер “Хангарьд”-ын клубийн Ч.Гансүх, “Виста” клубийн Х.Одгэрэл нар өөрсдийн шавь залуу тамирчдын хамт уралдах юм. Нас насны нийт 60 шахам тамирчин Цэнхэрмандалд 500 метрийн сэлэлт, 15 км-ийн дугуй, 5 км-ийн гүйлтээр тэсвэр тэвчээр сорин өрсөлдөх бөгөөд тэдний дунд АНУ, Япон, БНСУ-аас Монгол тамирчид ирж уралдаж байгаагаараа онцлогтой. Мөн Ironman-ий тэмцээнд хурд сорьж явсан, 57 настай спортын дэд мастер Д.Гантулга оролцох гэж байна. Түүнчлэн Улсын Их Хурлын дэд дарга, УИХ-ын гишүүн Х.Булгантуяа охиныхоо хамт, Ард санхүүгийн нэгдлийн захирал Ч.Ганхуяг хоёр хүүгийнхээ хамт бүртгүүлжээ.
|
Нийгэм
