АДМИН
Улаанбаатар хот, Сонгинохайрхан дүүргийн .... хороо, ..... хотхоны 15 дугаар байранд "Биеийн байдал муу 2 хүн гэрийнхээ хаалгыг онгойлгож өгөхгүй байна, хаалгыг нь онгойлгож өгнө үү" гэсэн хүсэлтийг долдугаар сарын 26-ны өдрийн 00:48 цагт Онцгой байдлын газарт хүлээн авсан. Нийслэлийн Аврах ангийн алба хаагчид 01:04 цагт очиж, байрны айлын цонхоор аврах олс ашиглан аврагчийг буулган цонхоор оруулж, хаалгыг онгойлгосон байна. Байранд иргэн Г/63 настай, эмэгтэй/ хэвтрийн өвчтэй босох боломжгүй, нөхөр Э/66 настай, эрэгтэй/ ухаан алдсан байдалтай байсныг тус дүүргийн Нэгдсэн эмнэлгийн Яаралтай түргэн тусламжийн төвд хүлээлгэн өгч ажиллажээ.
|
Нийгэм
