АДМИН
Энэ оны 5 дугаар сарын 16-ны өдөр ховор амьтны жагсаалтад орсон бөхөнгийн 929 ширхэг эврийг БНХАУ-руу худалдан борлуулах зорилгоор хадгалж байсан үйлдлийг Дорноговь аймгийн цагдаагийн газрын алба хаагчид илрүүллээ. Шалгалтын ажиллагаагаар уг хэрэгт хамтран оролцсон байж болзошгүй иргэн У, Б нар нь энэ оны 2 дугаар сарын 25-ны өдөр БНХАУ-ын Эрээн хотын боомтоор 810 ширхэг бөхөнгийн эврийг хууль бусаар нэвтрүүлж бусдад худалдсан үйлдэлд БНХАУ-ын Эрээн хотын гаалийн цагдаагийн газар шалгагдаж байх үедээ дээрх хэргийг үйлдсэн байж болзошгүй нөхцөл байдал тогтоогдоод байна. Улсын хэмжээнд сүүлийн 5 жилийн хугацаанд ховор амьтныг тусгай зөвшөөрөлгүйгээр агнасан барьсан, тэдгээрийн гаралтай түүхий эдийн зүйлийг хадгалсан, гадаад улсад гаргасан зэрэг гэмт хэрэг 335 бүртгэгдсэн байна.
|
Нийгэм
