АДМИН
2025 оны 06 дугаар сарын 06-наас 06 дугаар сарын 15-ныг хүртэлх 10 хоногийн цаг агаарын урьдчилсан төлөв:
10-нд нутгийн баруун хагаст, 11-нд нутгийн төв хэсгээр бороо орж, ихэнх нутгаар сэрүүснэ.
Хур тунадас: 06,07-нд Алтай, Хангай, Хөвсгөлийн уулархаг нутгаар, 08-нд төв болон говийн аймгуудын нутгийн зарим газраар, 09-нд Алтай, Хөвсгөлийн уулархаг нутаг, Халх голын сав нутгаар, 10-нд баруун аймгуудын ихэнх нутаг, төвийн аймгуудын нутгийн зарим газраар, 11-нд нутгийн төв хэсгээр, 12-нд баруун аймгуудын нутгийн зарим газар, төв болон говийн аймгуудын нутгийн баруун хэсэг, зүүн аймгуудын ихэнх нутгаар, 13-нд нутгийн зүүн хэсгээр бороо, уулаараа нойтон цас орно.
Салхи: Ихэнх хугацаанд ихэнх нутгаар секундэд 5-10 метр, 08, 09-нд говь, тал, хээрийн нутгаар секундэд 15-17 метр хүрч ширүүснэ.
Агаарын температур: Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр шөнөдөө +1...+6 градус дулаан, өдөртөө +19...+24 градус, говийн бүс нутгийн өмнөд хэсгээр шөнөдөө +10...+15 градус, өдөртөө +29...+34 градус, Их нууруудын хотгор болон говийн бүс нутгийн хойд хэсгээр шөнөдөө +6...+11 градус, өдөртөө +24...+29 градус, бусад нутгаар шөнөдөө +3...+8 градус, өдөртөө +20...+25 градус дулаан байна. 11-нээс нутгийн хойд хэсгээр, цаашдаа ихэнх нутгаар сэрүүснэ.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 08-нд бага зэргийн бороо, 11-нд бороо орно.
Салхи: Ихэнх хугацаанд секундэд 5-10 метр, 08, 11-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: Шөнөдөө +3...+8 градус, өдөртөө +20...+25 градус дулаан байна. 11-нээс бага зэрэг сэрүүснэ.
|
Нийгэм
