АДМИН
Шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр хаалттай анги нь алба хаагчдын ажиллах тав тухтай орчин нөхцөлийг бүрдүүлэх, хоригдогсдод эрүүл мэндийн тусламж үйлчилгээг түргэн шуурхай үзүүлэх зорилгоор Нэгдсэн эмнэлгийн 1 дүгээр давхарт байрлах рентген дүрс оношилгооны 48 м.кв талбай, хэт авиа оношилгооны 48 м.кв талбай нийт 96 м.кв талбайг шинэчлэн засварлалаа.
Тус шинэчлэлд ШШГЕГ-ын тоног төхөөрөмж төсөл, арга хэмжээний хүрээнд Нэгдсэн эмнэлэгт 2025 оны 07 дугаар сарын 23-ны өдрөөс 2025 оны 08 дугаар сарын 05-ны өдрийн хооронд Нэгдсэн эмнэлгийн оношилгоо, шинжилгээний зориулалтаар орчин үеийн дэвшилтэд технологийн дижитал рентген аппарат, суурин хэт авиан аппарат, тархины цахилгаан бичлэгийн аппарат зэрэг тоног төхөөрөмж нийлүүлсэн байна.
Мөн Цагдан хорих байрны В жигүүрийн подвалд байрлах 12*10мкв, 6*5 мкв нийт 150 м.кв талбайг засварлан тохижуулж, алба хаагчдын хувцас солих зориулалт бүхий өрөөг ашиглалтад орууллаа.
|
Эх сурвалж
| ШШГЕГ
|
Нийгэм
