АДМИН
Өнгөрсөн 1 хоногийн /2025.09.05-ны 08 цагаас 09.06-ны 08 цаг хүртлэх/ цаг агаарын тойм мэдээг танилцуулж байна.
Хур тунадас: Өнгөрсөн хоногт баруун аймгуудын нутгийн зүүн хойд хэсэг, төвийн аймгуудын ихэнх нутаг, зүүн аймгуудын нутгийн зүү хэсгээр 0.0-17.0 мм бороо, дуу цахилгаантай аадар бороо, Хангайн уулархаг нутгаар нойтон цас орсон байна. Үүнээс хоногийн нийлбэрээр хамгийн их нь Булгаын Хишиг-Өндөрт 17.0 мм, Бугат, Бүрэгхангайд 13.0 мм, Булган, Дорнодын Халхгол, Төв аймгийн Заамарт 11.0 мм, Хөвсгөлийн Хатгал, Ренчинлхүмбэ, Булганы Дашинчилэнд 10.0 мм, бусад нутгаар 0.0-9.0 мм бороо орсон байна.
Агаарын хамгийн их температур: Өчигдөр өдөр Алтай, Хангай Хөвсгөлийн уулархаг нутаг, Завхан, Заг-Байдраг голын эх, Идэр, Тэс, Тэрэлж голын хөндийгөөр +6…+13 градус, Их нууруудын хотгор, говийн бүс нутгийн өмнөд хэсэг, Дорнод-Дарьгангын тал нутаг, Халх голын сав газраар +19…+26 градус, бусад нутгаар +13…+19 градус дулаан байв.
Агаарын хамгийн бага температур: Өнгөрсөн шөнө Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Туул, Тэрэлж голын хөндийгөөр -4…+2 градус, говийн бүс нутгийн өмнөд хэсгээр +8…+13 градус, бусад нутгаар +3...+9 градус дулаан хоносон байна.
Салхи: Өнгөрсөн хоногт ихэнх нутгаар секундэд 7-12 метр, өдөртөө Алтайн салбар уулс, говь, тал, хээрийн нутгаар түр зуур секундэд 17-22 метр хүрч ширүүссэн байна.
Улаанбаатар хот орчмоор: Өчигдөр өдөр бороо ороогүй, өнгөрсөн шөнө 0.0-0.4 мм бага зэргийн бороо орсон байна. Салхи өдөртөө баруун хойноос, шөнөдөө зүүн өмнөөс секундэд 5-10 метр. Агаарын температур өчигдөр өдөр +14…+15 градус, өнгөрсөн шөнө Яармаг-Сонгины орчмоор -1 градус хүйтэн, бусад нутгаар +4 градус дулаан хоносон байна.
|
Эх сурвалж
| ЦУОШГ
|
Нийгэм
