АДМИН
Газар зохион байгуулалт, геодези, зураг зүйн ерөнхий газраас санаачлан Монголын уулчдын үндэсний холбоо ТББ, Монголын геодези, фотограмметр, зураг зүйн холбоо ТББ-тай хамтран 2025 оны 09 дүгээр сарын 05-ны өдөр Баян-Өлгий, Ховд аймгийн заагт орших “Мөнххайран уул”, “Хар Ан уул”-ын солбицол, өндрийг орчин үеийн, өндөр нарийвчлалын геодези /GNSS/-ийн багаж ашиглан хэмжиж байна.
“Мөнххайран уул”, “Хар Ан уул”-ын солбицол, өндрийг Trimble R12, Trimble Catalyst багаж ашиглан уулсын оройн цэгийн солбицол, өндрийг ITRF2014, ITRF2020 солбицлын тогтолцоо, Балтын тэнгисийн өндрийн тогтолцоонд тодорхойлох юм.
Монгол Улсын Зөвлөх инженер О.Хосбаяр /Геосурвей ХХК-ийн захирал/, инженер О.Пүрэвдорж /Этүгэн инженеринг ХХК-ийн захирал/, уулчин, хөтөч Э.Уранболор /Геосан ХХК-ийн инженер/ нар эдгээр мөс, цастай өндөр уулс дээр эр зориг гарган авирч, мэргэжлийн ур чадвараа ашиглан геодезийн хэмжилтийг амжилттай гүйцэтгэж байна.
|
Эх сурвалж
| Газар зохион байгуулалт, геодези, зураг зүйн ерөнхий газар
|
Нийгэм
