Бэлчээрийн ургамлын ургалтын байдал 9 дүгээр сарын 10-ны байдлаар нийт нутгийн 55 хувьд буюу Архангай, Говьсүмбэр Дорнодын нийт, Говь-Алтай, Хөвсгөл, Сэлэнгэ, Сүхбаатарын ихэнх, Баянхонгор, Төв, Өмнөговь, Хэнтий, Дорноговийн зарим, Баян-Өлгий, Увс, Ховд, Булган, Өвөрхангайн цөөн сумдын нутгаар хэвийн, Баян-Өлгий, Увс, Төвийн зарим нутгаар, Ховд, Завхан, Баянхонгор, Дундговийн ганц нэг сумын нутгаар муу, бусад нутгаар буюу 40 хувьд дунд байна.  

Цаг агаарын нөхцөлийн онцлог:

• Салхины хурд тал хээр болон говийн нутгаар түр зуур 16–27 м/с буюу аюултай үзэгдлийн, Ховдын Дунд-Ус, Говь-Алтайн Бугат, Өмнөговийн Цогт-Овоод 29–34 м/с буюу онц аюултай үзэгдлийн хэмжээнд хүрч салхилсан байна.
• Өнгөрсөн арав хоногт агаарын температур нийт нутгаар дунджийн орчим буюу түүнээс 1.1–3.0 градусаар хүйтэн, хур тунадас нийт нутгийн 66 хувьд дунджаас ахиу, 34 хувьд буюу Ховд, Говь-Алтай, Баянхонгор, Өвөрхангай, Дундговь, Өмнөговийн ихэнх нутгаар дунджийн орчим буюу түүнээс бага орсон байна.
• Газар тариалан бүхий ихэнх нутгаар улаанбуудай бүрэн бололтын үе шатанд, төмс иш навчны гулжийлтын үе шатанд байна.
• МАА-н үйлдвэрлэлд сааль сүү, хадлан тэжээл бэлтгэх, газар тариалангийн үйлдвэрлэлд үр тариа, төмс, хүнсний ногоо хураах ажил үргэлжлэн хийгдэж байна.