АДМИН
Монгол Улсын Төрийн албаны зөвлөлийн ээлжит 34 дүгээр хуралдаан 2025 оны 11 дүгээр сарын 19-ний өдөр болж, дараах асуудлуудыг хэлэлцэж шийдвэрлэлээ.
- Төрийн албаны зөвлөлийн Улсын бүртгэлийн ерөнхий газрын дэргэдэх Салбар зөвлөлийн бүрэлдэхүүнд өөрчлөлт оруулав.
- Төрийн албаны зөвлөлөөс Салбар зөвлөлийн шинэ бүрэлдэхүүнд хууль дээдлэх зарчмыг баримталж, манлайлал санаачилгатай хамтарч ажиллахыг зөвлөлөө.
- Сангийн яамны төрийн захиргааны 53 албан тушаалын тодорхойлолтод батлах зөвшөөрөл олголоо.
- Төрийн албаны зөвлөлөөс төрийн албан хаагчийн эрх зүйн байдлыг дордуулахгүй, эрх ашгийг хөндөхгүй байхад анхаарч ажиллахыг санууллаа.
- 2025 оны 4 улирлын Төрийн албаны ерөнхий шалгалт зохион байгуулсан тухай комиссын тайлантай танилцаж, тэнцсэн иргэдийг төрийн албаны нөөцөд бүртгэв.
- Төрийн албан хаагчийн хувийн хэргийн журмыг шинэчлэн батлав.
- Зэд-Хантай-Бүтээлийн нурууны дархан цаазат газрын хамгаалалтын захиргааны даргын албан үүргийг түр орлон гүйцэтгэгчийг томилсон хүний нөөцийн шийдвэрт хяналт, шалгалт хийсэн ажлын хэсгийн тайлан, дүгнэлттэй танилцаж зохих шийдвэрүүдийг гаргалаа.
|
Нийгэм
