АДМИН
Аж үйлдвэр, эрдэс баялгийн сайд Г.Дамдинням шатахуун хангамжийн асуудлаар мэдээлэл өглөө.
Тэрбээр: "Улсын хэмжээний бүх шатахуун түгээх станцуудын нөөцийг хянаж удирддаг систем, нөөцийн сав, нөөц бүрдүүлэх зээл гээд олон жил орхигдсон бодлогын шийдлүүдийг ирэх жилээс хийнэ. Тус бодлогын арга хэмжээнүүдийг хэрэгжүүлэхэд шаардлагатай тусгайлсан хууль ойрын өдрүүдэд Засгийн газраас УИХ-д нэн яаралтай горимоор хэлэлцэгдэхээр өргөн баригдана. Нефть боловсруулах үйлдвэрээ ашиглалтад оруулах, түүхий эдийг бүрдүүлэх ажилд байнга анхаарч шийдэл гаргаад ажиллаж байгаа.
Заримдаа өглөө, орой өөрөө явж шалгана. АИ-92 хэвийн, АИ-95 өчигдөр хотын зүүн талаар дууссан байсан нөхөж цэнэглүүлж байна. Өнөөдөр хотын баруун талаар үзлээ байна. Жижиглэн дизель жигдэрчихнэ.
Баруун аймгуудын хангалт төвөөс хийгддэг болсноос хойш хүргэлт жоохон цаг авах юм. Сая ОХУ-д очиж баруун талаараа нийлүүлэлтээ сэргээхээр тохирсон. Жигдрүүлнэ ээ" гэв.
|
Нийгэм
