Б.АМАРТҮВШИН
Нийслэлийн иргэдийн хүнсний хэрэгцээнд зориулан "Өвлийн идэш-2025" өргөтгөсөн худалдааг өчигдрөөс эхлэн 12 дугаар сарын 5-ны өдрүүдэд Төв цэнгэлдэх хүрээлэнд зохион байгуулж байна.
Жижиг, дунд үйлдвэрийн газар, Улаанбаатар хотын Захирагчийн ажлын алба хамтран зохион байгуулж буй өргөтгөсөн худалдаанаас Дархан-Уул, Булган, Архангай, Сүхбаатар, Баянхонгор, Хөвсгөл, Орхон аймгийн малчин, хоршоологчдын бэлтгэсэн махыг дундын зуучлалгүй шууд худалдан авах боломжтой.
Энд үхрийн мах 14000, адууных 10500, хониных 12000 төгрөгийн үнэтэй байв. Өргөтгөсөн худалдаанд үйлдвэрийн аргаар мах бэлтгэдэг найман аж ахуйн нэгж болон 10 аймгийн дөчөөд малчин, хоршоологч оролцож байгаа ажээ.
|
Нийгэм
