АДМИН
Томуу, томуу төст өвчний тархалт тогтвортой буурах хандлагатай байна. Улсын хэмжээнд:
Амбулаторийн үзлэгт томуу, томуу төст өвчний эзлэх хувь 3% буурч 15% болсон. Хүүхдийн эмнэлэгт хэвтэгсдийн тоо 7.5% буурсан (АЗЦХХ шалтгаантай). Яаралтай тусламжид үзүүлсэн тохиолдол 24.7% буурсан байна. Нийслэлд
Амбулаторийн томуу, томуу төст өвчин 2% буурсан бол хүүхдийн тасагт хэвтсэн АЗЦХХ шалтгаантай хүүхэд 9.5%, яаралтай тусламжид үзүүлсэн хүүхэд 19.8%, эрчимт эмчилгээнд хэвтэгсдийн тоо 4.4% буурсан байна.
Орон нутагт:
Амбулаторийн томуу, томуу төст өвчин 3%, хүүхдийн тасагт хэвтсэн АЗЦХХ шалтгаантай хүүхэд 4.1%, яаралтай тусламжид үзүүлсэн тохиолдол 31.3%, эрчимт эмчилгээнд хэвтсэн хүүхэд 84.8% буурсан үзүүлэлттэй байна.
Томуу, томуу төст өвчний тархалтын үзүүлэлтүүд буурч байгаа ч “Улсын хэмжээний дэгдэлт”-ийн түвшинд байгааг ХӨСҮТ онцоллоо.
Сургууль, цэцэрлэгийн хичээлийг цахимд шилжүүлэх цаашдын арга хэмжээг Эрүүл мэндийн яамнаас ирүүлсэн мэдээлэлд үндэслэн Боловсролын яамнаас авч хэрэгжүүлэхээр ажиллаж байна.
|
Эх сурвалж
| Боловсролын яам
|
Нийгэм
