АДМИН
БНХАУ-ын Шанхай хотноо “Enjoy AI 2025 робот кодчиллын Дэлхийн аварга шалгаруулах тэмцээн”-нд Монголын 38 баг гурван төрлөөр дэлхийн 61 орны тамирчидтай өрсөлдөнө.
MonSTEAM буюу Монголын СТЕМ Боловсролын Академиас зохион байгуулан явуулдаг Робот кодчиллын Монгол улсын аварга шалгаруулах тэмцээний Улаанбаатар, Дархан-Уул, Говь-Алтай, Өвөрхангай, Өмнөговь, Ховд, Баянхонгор, Говьсүмбэр аймгаас шалгарсан шилдгийн шилдэг багууд БНХАУ-ын Шанхай хотноо “ENJOY AI 2025 робот кодчиллын Дэлхийн аварга шалгаруулах тэмцээн”-нд Монгол Улсаа төлөөлөн оролцохоор ирээд байна.
Энэ удаагийн тэмцээнд Монголын багууд дараах гурван төрлөөр өрсөлдөнө.
Дэлгэцгүй кодчилол(6–8 нас)
Робот кодчилол (8–14 нас)
Дрон кодчилол – 21 баг (янз бүрийн насны ангилал)
Энэхүү тэмцээнд 61 улсаас дотооддоо шалгарсан шилдэг багууд ирж оролцож байгаа тул робот кодчиллын салбарын дэлхийн тэргүүлэх түвшний өрсөлдөөн өрнөж байна.
|
Нийгэм
