“Enjoy AI робот кодчлолын дэлхийн аваргын тэмцээн”-д монголын баг өндөр амжилт үзүүллээ. Тус тэмцээнд 61 улсын 1000 орчим шилдэг багийн 20,000 оролцогч, аваргын төлөө өрсөлдлөө. Монгол улсаас Улаанбаатар хот, Ховд, Баянхонгор, Говь-Алтай, Өвөрхангай, Өмнөговь, Дархан, Говьсүмбэр аймгийн багш тамирчид дэлгэцгүй кодчилол, робот кодчилол, дрон кодчилол төрөлд оюун ухаан, ур чадвараараа шалгаран:

• Монголын Стем Боловсролын Академийн Б.Батцэцэг багштай багаас сурагч Х.Ээлэн, М.Хангэрэл нар Дэлгэцгүй- Кодчилол төрөлд дэлхийн аварга-“Алтан медаль”
• Говь-Алтай аймгийн Юнител STEMHUB-ийн Ч.Баттулга багштай багаас Дрон - Кодчилол төрөлд сурагч Р. Ууганбаяр дэлхийн аварга “Алтан медаль"
• Говь-Алтай аймгийн Юнител STEMHUB-ийн Ч.Баттулга багштай багаас Дэлгэцгүй - Кодчилол төрөлд сурагч Э.Өрнөхбаяр, Б.Есөнмөнх нар “Мөнгөн Медаль”
• Дархан -Уул аймгийн Unitel STEAM-HUB-ийн Т.Энхжаргал багштай багаас сурагч Н.Амин-Эрдэнэ, Б.Содгэрэл нар Дэлгэцгүй - Кодчилол төрөлд “Хүрэл медаль” 
• Нийслэлийн 11 дүгээр сургуулийн Д.Батбаяр багштай багаас сурагч Б.Оюун Дрон - Кодчилол төрөлд “Мөнгөн Медаль”
• Өмнөговь аймгийн Ханбогд сумын Ч.Бямбасүрэн багштай багаас сурагч Ц.Баяржавхлан, О.Мичидмаа нар Кибер хот төрөлд Шилдэг Робот Загвар “Тусгай байр” тус тус хүртсэн амжилттайгаар оролцлоо.