Өнөө өглөөний /2025.12.15/ 08 цагийн станц харуулуудын мэдээгээр нийт нутгийн 70 гаруй хувьд нь цасан бүрхүүлтэй байна. Үүнээс хамгийн их нь Увсын Малчин, Завханы Цагаанхайрхан, Сэлэнгийн Бугант, Баянгол, Орхон, Зэлтэрт 20.0-24.0 см бусад нутгаар 0.0-19.0 см цасан бүрхүүлтэй байна.

Цасны зузаан: Өнөө өглөөний 08 цагийн станц харуулуудын мэдээгээр нийт нутгийн 70 гаруй хувьд нь цасан бүрхүүл тогтсоноос хамгийн их нь Увсын Малчин, Завханы Цагаанхайрхан, Сэлэнгийн Бугант, Баянгол, Орхон, Зэлтэрт 20.0-24.0 см, Завханы Баянтэс, Тэс, Цагаанчулуут, Баянхайрхан, Булганы Хангал, Гурванбулаг, Сэлэнгийн Орхонтуул, Ерөө, Зүүнбүрэн, Хушаат, Дарханы Орхон, Шарын-гол, Хонгор, Төв аймгийн Цээл, Жаргалант, Баянчандманьд 16.0-19.0 см, бусад нутгаар 0.0-15.0 см цасан бүрхүүлтэй байна.

Хур тунадас: 08-нд Увс нуурын хотгороор 0.0-0.8 мм, 09-нд баруун аймгуудын нутгийн хойд хэсэг, төвийн аймгуудын нутгийн зарим газраар 0.0-1.5 мм, 10-нд баруун болон төвийн аймгуудын нутгийн зарим газар, говийн аймгуудын нутгийн өмнөд, зүүн аймгуудын нутгийн баруун болон өмнөд хэсгээр 0.0-2.0 мм, 11-нд баруун болон говийн аймгуудын ихэнх нутаг, төвийн аймгуудын нутгийн өмнөд хэсгээр 0.0-6.0 мм, 12-нд баруун болон төвийн аймгуудын нутгийн зарим газар, говийн аймгуудын ихэнх нутгаар 0.0-2.0 мм, 13-наас 15-нд Увс, Хяргас нуурын хотгороор 0.0-1.0 мм цас орсон байна.

Агаарын хамгийн их температур: Хугацааны дунд үеэр буюу 11-нээс 13-нд ихэнх нутгаар хүйтний эрч чанга байсан бөгөөд Дархадын хотгор, Хөвсгөлийн уулархаг нутаг, Завхан, Заг-Байдраг голын эх, Орхон-Сэлэнгийн сав газар, Идэр, Тэс, Эг, Үүр, Хараа, Ерөө, Хэрлэн голын хөндийгөөр -22…-29 градус, Монгол-Алтай, Хангай, Хэнтийн уулархаг нутаг, Туул, Тэрэлж, Онон, Улз Халх голын хөндий, Дорнод-Дарьгангын тал нутгаар -15…-21 градус, Их нууруудын хотгор, говийн бүс нутгийн өмнөд хэсгээр -1…-7 градус, бусад нутгаар -8…-14 градус хүйтэн байв. Бусад хугацаанд хүйтний эрч суларч Дархадын хотгор болон Хөвсгөл, Хэнтийн уулархаг нутаг, Завхан, Заг-Байдраг голын эх, Орхон-Сэлэнгийн сав газар, Идэр, Тэс, Эг, Үүр, Хараа, Ерөө, Туул, Тэрэлж голын хөндийгөөр -15...-23 градус, Монгол-Алтай, Хангай, Хэнтийн уулархаг нутаг, Онон, Улз, Халх голын хөндий, Дорнод-Дарьгангын тал нутгаар -9…-14 градус хүйтэн, Их нууруудын хотгор, говийн бүс нутгийн өмнөд хэсгээр -2…+6 градус дулаан, бусад нутгаар -3…-8 градус хүйтэн байв.

Агаарын хамгийн бага температур: 8-наас 10-нд хүйтний эрч суларсан байсан ба Дархадын хотгор, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Эг, Үүр, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр -26…-32 градус, Монгол-Алтай, Хангайн уулархаг нутаг, Орхон голын сав газар, Дорнод-Дарьгангын тал нутаг, говийн бүс нутгийн хойд хэсгээр -18…-24 градус, Их нууруудын хотгор, говийн бүс нутгийн өмнөд хэсгээр -4...-10 градус, бусад нутгаар -11...-17 градус хүйтэн байсан бол 11-нээс ихэнх нутгаар 1-14 градусаар хүйтэрч уулархаг нутаг болон томоохон гол, мөрний хөндийгөөр -28...-38 градус, говийн бүс нутгийн өмнөд хэсгээр -7...-15 градус, бусад нутгаар -16...-26 градус хүйтэн байв. 15-наас ихэнх нутгаар хүйтний эрч сулрав.

Cалхи: Ихэнх хугацаанд секундэд 4-9 метр, Алтайн салбар уулс болон говь, талын нутгаар секундэд 10-15 метр, зарим үед секундэд 17-19 метр хүрч ширүүссэн байна.

Улаанбаатар хот орчмоор:

Хур тунадас: 9, 10, 12-нд 0.0-0.5 мм цас орсон. Бусад хугацаанд цас ороогүй.

Cалхи: Ихэнх хугацаанд секундэд 3-8 метр.

Агаарын температур: 11-нээс 14-нд хүйтний эрч чангарч Шөнөдөө Яармаг-Сонгины орчмоор -32...-37 градус, бусад хэсгээр -24…-29 градус, өдөртөө -18…-20 градус хүйтэн байв. Бусад хугацаанд хүйтний эрч суларч Яармаг-Сонгины орчмоор -25…-30 градус, бусад хэсгээр -20…-22 градус, өдөртөө -11…-16 градус хүйтэн байсан.