Малчид, иргэдийн анхааралд:

12-р сарын 16, 17-нд ихэнх нутгаар цаг агаар тогтуун байна.

2025 оны 12-р сарын 15-ны 20:00 цагаас 16-ны 20:00 цаг хүртэлх цаг агаарын урьдчилсан мэдээ:
Ихэнх нутгаар солигдмол үүлтэй байх бөгөөд Монгол-Алтайн уулархаг нутаг, Увс нуурын хотгороор шөнөдөө, өдөртөө Монгол-Алтай, Хөвсгөлийн уулархаг нутаг, Увс нуурын хотгороор цас орно. Бусад нутгаар цас орохгүй.

Салхи ихэнх нутгаар баруун өмнөөс секундэд 5-10 метр, өдөртөө Алтайн уулархаг нутгаар секундэд 12-14 метр хүртэл ширүүснэ.

Агаарын температур:

• Шөнөдөө: Дархадын хотгор, Завхан, Заг-Байдраг голын эх, Идэр, Тэс голын хөндийгөөр -28…-33°C, Увс нуурын хотгор, Хангай, Хөвсгөл, Хэнтийн уулархаг нутаг, Эг-Үүр, Хараа, Ерөө, Туул, Тэрэлж, Хэрлэн голын хөндийгөөр -22…-27°C, Алтайн уулархаг нутаг, Хангайн нурууны өвөр бэл, говийн баруун өмнөд хэсгээр -10…-15°C, бусад нутгаар -16…-21°C.

• Өдөртөө: Увс нуур, Дархадын хотгор, Завхан, Заг-Байдраг голын эх, Тэс голын хөндийгөөр -17…-22°C, Хангай, Хөвсгөл, Хэнтийн уулархаг нутаг, Эг, Үүр, Идэр, Хараа, Ерөө, Туул, Тэрэлж голын хөндийгөөр -12…-17°C, Хангайн нурууны өвөр бэл, говийн баруун өмнөд хэсгээр -1…+4°C, Алтайн уулархаг нутгийн зарим хэсэг, Их нууруудын хотгор, говийн зүүн болон хойд хэсгээр -1…-6°C, бусад нутгаар -7…-12°C хүйтэн байна.

Улаанбаатар хот орчим:
Шөнөдөө багавтар үүлтэй, өдөртөө үүлшинэ. Цас орохгүй.

• Шөнөдөө: Яармаг-Сонгины орчмоор -24…-26°C, бусад хэсгээр -18…-20°C

• Өдөртөө: -9…-11°C

Багануур орчим:
Шөнөдөө -23…-25°C, өдөртөө -12…-14°C

Тэрэлж орчим:
Шөнөдөө -22…-24°C, өдөртөө -12…-14°C

2025 оны 12-р сарын 17-ноос 12-р сарын 21-нийг хүртэлх урьдчилсан төлөв:

• 17-нд Монгол-Алтай, Хөвсгөлийн уулархаг нутгаар цас орж,

• 18-нд баруун болон төвийн аймгуудын ихэнх нутаг, зүүн аймгуудын хойд хэсгээр,

• 19-нд төвийн аймгуудын зүүн хэсэг, зүүн аймгуудын нутгийн зарим газраар цас орж, цасан шуурга шуурна.

Салхи ихэнх хугацаанд секундэд 5-10 метр, 17-нд Алтайн уулархаг нутгаар, 18-нд нутгийн зарим газраар, 19-нд говь, талын нутгаар секундэд 15-17 метр хүрч ширүүснэ.

Хүйтний эрч 18-нд баруун, төвийн нутгаар, 19-нд ихэнх нутгаар чангарч, Дархадын хотгор, Завхан, голын эх, Хүрэнбэлчир орчим, Идэр, Тэс голын хөндийгөөр шөнөдөө -35…-40°C, өдөртөө -25…-30°C хүрэх төлөвтэй байна.

Бусад нутгаар:

• Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн голын хөндийгөөр шөнөдөө -29…-34°C, өдөртөө -19…-24°C

• Хангайн нурууны өвөр бэл, говийн баруун өмнөд хэсгээр шөнөдөө -15…-20°C, өдөртөө -6…-11°C

• Бусад нутгаар шөнөдөө -22…-27°C, өдөртөө -13…-18°C хүйтэн байна.