АДМИН
2025 оны арванхоёрдугаар сараас эхлэн өдөр тутам живх хэрэглэдэг 2-оос дээш насны хөгжлийн бэрхшээлтэй хүүхдэд живхний үнийн хөнгөлөлтийг олгож байна;
Живхний үнийн хөнгөлөлтөд хамрагдах нэрсийн жагсаалтыг эхний байдлаар аймаг, дүүргийн Хөгжлийн бэрхшээлтэй хүүхдийн эрүүл мэнд, боловсрол, нийгмийн хамгааллын салбар комисс гаргасан;
Хэрэв дээрх жагсаалтад нэр ороогүй бол харьяа өрх, сум, багийн эмч, хяналтын эмчид хандан дээрх комиссоор тодорхойлуулах хүсэлтээ өгнө үү /комисс цахимаар тодорхойлж болно/;
Хүүхдийн комиссын шийдвэртэй эцэг, эх, асран хамгаалагч өөрийн сонгосон байгууллагаас (хувь хүн, аж ахуйн нэгж байгууллага, эмийн сан зэргээс) нэхэмжлэх эсвэл худалдан авсан баримтыг үндэслэн олгоно;
Иргэн бичиг баримтаа ehalamj.mn цахим систем эсхүл өөрийн асран хамгаалагч нь биеэр сум, хорооны ажилтанд очиж хүсэлтээ өгч болно;
2025 оны төсвийн жил дуусах гэж байгаа тул 2025 оны 12 дугаар сарын 17-ны өдрийн дотор бичиг баримтаа бүрдүүлэн өгсөн тохиолдолд 2025 оны 12 дугаар сарын нөхөн олголтоор хөнгөлөлтийг олгоно;
2025 оны 12 дугаар сарын 31-ний өдрийн дотор 2025 оны хөнгөлөлтөд хамрагдах хүсэлтийг хүлээж авах бөгөөд 12 сарын 18-ны өдрөөс 31-ний өдрийн хооронд хүсэлт гаргасан тохиолдолд хөнгөлөлтийг 2026 оны 01 дүгээр сард нөхөн олгоно;
Живхийг иргэн өөрийн сонгосон газраас авах бөгөөд сум, хорооны эсхүл аймаг дүүргийн Хөдөлмөр, халамжийн үйлчилгээний байгууллагын ажилтан ямар нэг байгууллага санал болгохыг хориглоно.
|
Нийгэм
