АДМИН
Сайншанд дахь гаалийн газрын харьяа Чойр гаалийн салбарын гаалийн хяналтын бүсэд оруулсан 3 машин 140 тонн буюу 76 шуудай жоншийг С гэх компани энэ сарын 9-ны өдөр Сайншанд дахь гаалийн газар гаалийн бүрдүүлэлтийг хийн мэдүүлжээ. Мэдүүлгийг нь үндэслэн тус гаалийн газрын гаалийн байцаагчид хяналт шалгалтыг хийхэд 21 шуудай жоншны доор их хэмжээний олон өнгийн хэлбэр дүрстэй байгалийн чулуу нуусан байсныг илрүүлжээ.
Дээрх 76 шуудай жоншийг тус талбай дээр нэг бүрчлэн задалж нарийвчилсан шалгалт хийхэд 61 төрлийн нийт 30.3 тонн байгалийн чулууг улсын хилээр хууль бусаар гаргах зорилготой нуусан, гэмт хэргийн шинжтэй үйлдэл байх тул харьяаллын дагуу прокурорын зөвшөөрлөөр цагдаагийн байгууллагад шалгуулахаар шилжүүлсэн байна.
|
Эх сурвалж
| ГЕГ
|
Нийгэм
