АДМИН
2025оны 12-р сарын 15-ны 08 цагаас 2025 оны 12-р сарын 22-ны 08 цаг хүртэлх 7 хоногийн цаг агаарын тойм:
Цасны зузаан: Өнөө өглөөний 08 цагийн станц харуулуудын мэдээгээр нийт нутгийн 70 гаруй хувьд нь цасан бүрхүүл тогтсоноос хамгийн их нь Увсын Малчин, Дархан-Уулын Шарын гол, Сэлэнгийн Бугант, Баянгол, Орхон, Зэлтэрт, Төв аймгийн Угтаалцайдамд 20.0-24.0 см, Увсын Баруунтуруун, Ховдын Үенч, Алтай, Хөвсгөлийн Чандмань-Өндөр, Завханы Цагаанчулуут, Цагаанхайрхан, Булганы Хангал, Гурванбулаг, Сэлэнгийн Ерөө, Зүүнбүрэн, Хушаат, Дарханы Орхон, Хонгор, Төв аймгийн Цээл, Заамар, Баянчандмань, Дорнодын Халхголд 16.0-19.0 см, бусад нутгаар 0.0-15.0 см цасан бүрхүүлтэй байна.
Хур тунадас: 15-нд Увс нууруудын хотгор, Хангайн уулархаг нутаг, Дорнод-Монголын тал нутгаар 0.0-0.3 мм, 16-нд Увс нуур болон Дархадын хотгор, Монгол-Алтайн уулархаг нутаг, Халх голын сав газраар 0.0-0.4 мм, 17-нд Увс, Хөвсгөлийн ихэнх нутаг, Баян-Өлгийн баруун болон өмнөд, Ховдын өмнөд хэсгээр 0.0-5.0 мм, 18-нд баруун аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн хойд хэсгээр 0.0-4.0 мм, 19-нд Дорнодын тал нутгаар 0.0-1.0 мм, 20-наас Улз, Халх голын сав газар, Дорнодын тал нутаг болон Нийслэл хот орчмоор 0.0-1.0 мм цас орсон байна.
Агаарын хамгийн их температур: Хугацааны эхээр буюу 15-наас 18-нд Увс нуур болон Дархадын хотгор, Завхан, Заг-Байдраг голын эхээр -17…-22 градус, Хангай, Хөвсгөлийн уулархаг нутаг, Сэлэнгэ, Хараа, Идэр, Тэс, Эг, Үүр, Орхон, Ерөө голын хөндийгөөр -11...-16 градус хүйтэн, Алтайн уулархаг нутаг, говийн бүс нутгийн хойд хэсэг, цас багатай энгэр ээвэр газраар -3...+2 градус, Их нууруудын хотгор, Хангайн нурууны өвөр бэл, говийн бүс нутгийн өмнөд хэсгээр +3…+8 градус дулаан, бусад нутгаар -4…-10 градус хүйтэн байсан бол 19-нөөс ихэнх нутгаар хүйтний эрч чангарч, Дархадын хотгор, Завхан, Заг-Байдраг голын эх, Тэс голын хөндийгөөр -20…-29 градус, Хангай, Хөвсгөл, Хэнтийн уулархаг нутаг, Орхон-Сэлэнгийн сав газар, Идэр, Эг, Үүр, Хараа, Ерөө, Туул, Тэрэлж голын хөндийгөөр -14...-19 градус, Их нууруудын хотгор, говийн бүс нутгийн баруун өмнөд хэсгээр -1…-7 градус, бусад нутгаар -8…-13 градус хүйтэн байв.
Агаарын хамгийн бага температур: 15-наас 18-нд Увс нуур болон Дархадын хотгор, Завхан, Заг-Байдраг голын эх, Халх голын хөндийгөөр -25...-30 градус, Хөвсгөл, Хэнтийн уулархаг нутаг, Идэр, Тэс, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн голын хөндий, Дарьгангын тал нутгаар -19...-24 градус, Алтайн уулархаг нутаг, Их нууруудын хотгор, говийн бүс нутгийн өмнөд хэсэг, цас багатай энгэр ээвэр газраар -7…-12 градус, Алтайн өвөр говиор 0...-6 градус, бусад нутгаар -13...-18 градус хүйтэн байсан бол 19-нөөс хүйтний эрч чангарч, Увс нуур болон Дархадын хотгороор -32...-38 градус, Хөвсгөл, Хэнтийн уулархаг нутаг, Завхан, Заг-Байдраг голын эх, Тэс, Эг, Үүр голын хөндийгөөр -28...-32 градус, Их нууруудын хотгор, говийн бүс нутгийн баруун хэсэг, цас багатай энгэр ээвэр газраар -16...-20 градус, бусад нутгаар -20...-28 градус хүйтэн хоносон байна.
Cалхи: Ихэнх хугацаанд секундэд 4-9 метр, 17-нд Алтайн уулархаг нутаг, Хангай нурууны өвөр бэлээр секундэд 15-17 метр, зарим үед секундэд 24-26 метр, 18-нд говь, тал, хээрийн нутгаар секундэд 14-16 метр, түр зуур секундэд 18-25 метр, 19-нд Алтайн салбар уулс, говь, тал, хээрийн нутгар секундэд 15-17 метр, түр зуур секундэд 20-22 метр хүрч ширүүссэн байна.
Улаанбаатар хот орчмоор:
Хур тунадас: 18,19-нд 0.0-0.4 мм цас орсон. Бусад хугацаанд цас ороогүй.
Cалхи: Ихэнх хугацаанд секундэд 3-8 метр.
Агаарын температур: 18, 19-нд шөнөдөө -15...-20 градус, өдөртөө -5...-10 градус, 20-ноос хүйтний эрч чангарч Шөнөдөө Яармаг-Сонгины орчмоор -30...-35 градус, бусад хэсгээр -22…-27 градус, өдөртөө -16…-21 градус хүйтэн байв. Бусад хугацаанд Яармаг-Сонгины орчмоор -23…-28 градус, бусад хэсгээр -17…-22 градус, өдөртөө -7…-12 градус хүйтэн байсан.
|
Эх сурвалж
| ЦУОШГ
|
Нийгэм
