АДМИН
Дорноговь аймаг, Сайншанд хотод үйл ажиллагаа явуулж буй "Мөрөөдлийн говь" ХХК-ийн хамт олон өдөр бүр шинэхэн өндгөөр аймгийнхаа хэрэгцээг 100 хувь ханган ажиллаж байна.
"Атрын IV" аяны хүрээнд 500 сая төгрөгийн зээл авч орон нутагт малын болон шувууны тэжээлийн үйлдвэрийг ашиглалтад оруулахаар ажиллаж байна. 2026 оны 03 дугаар 01-нд нээлтээ хийх уг үйлдвэр нь цагт 4 тонн тэжээл үйлдвэрлэх хүчин чадалтай юм.
Түүнчлэн мод үржүүлэг, хүлэмжид тарвас, хүнсний ногоо тариалж эрт ургацын ногоо зах зээлд нийлүүлэх, нарны эрчим хүчээр аж ахуйн хэрэгцээгээ хангахын зэрэгцээ зуны улиралд илүүдэл эрчим хүч төвийн шугамд нийлүүлэн ажиллаж буй "Мөрөөдлийн говь ХХК"-ийн шувууны аж ахуй, үйл ажиллагаатай ХХААХҮ-ийн дэд сайд Б.Нямжав Дорноговь аймагт ажиллах үеэрээ танилцлаа.
|
Нийгэм
