Б.ЭНХЗАЯА
БИЛГИЙН ТООЛЛЫН 27
2026.02.14 / БЯМБА ГАРАГ
ӨВЛИЙН АДАГ ШАРАГЧИН ҮХЭР САРЫН ЕСӨН УЛААН ШАРАГЧИН ХОНЬ ӨДӨР
Үс засуулвал: Өлзийтэй сайн
Наран ургах, шингэх: 08.00-18.12
Барилдлага: Идэр
Шүтэн барилдлага: Хуран үйлдэхүй
Суудал: Хий
Аргын тооллын 2 сарын 14, Санчир гараг. Билгийн тооллын 27, Суулга одтой, шарагчин хонь өдөр. Өдрийн наран 8 цаг 00 минутад мандан, 18 цаг 12 минутад жаргана. Тухайн өдөр туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
|
)
Нийгэм
