Б.АМАРТҮВШИН
2026 оны тавдугаар сарын 3-ны өдрийн 14:10 цагийн орчимд Сүхбаатар дүүргийн 19 дүгээр хороо, Шарга морьтын гүүр давсан хэсэгт шар өвс шатаж байна гэсэн дуудлага Онцгой байдлын байгууллагад иржээ.
Дуудлагын дагуу Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн бүрэлдэхүүн шуурхай очиход ойролцоогоор 4 га талбайг хамарсан шар өвсний түймэр гарсан байв.
Алба хаагчид 14:21 цагт галын тархалтыг зогсоож, 15:31 цагт бүрэн унтраажээ.
Иргэдийг хуурайшилт ихтэй энэ үед ил задгай гал гаргахгүй байх, татсан тамхины иш, үнс нурмыг зориулалтын бус газарт хаяхгүй байхыг Онцгой байдлын байгууллагаас анхаарууллаа.
|
Нийгэм
