Армени улсын Ерөнхий сайд Никол Пашинян мэдэгдэхдээ, өнөөгийн үүсээд буй нөхцөл байдалд тус улс Евразийн эдийн засгийн холбооноос (ЕАЭБ) албан ёсоор гарахаас өөр ямар ч сонголт үлдээгүйг зарлалаа.

Армени улс ЕАЭБ-аас гарахаар бэлтгэж, Европын Холбоо руу тэмүүлж байгаа яг энэ үед манай Монгол Улс эсрэгээрээ Евразийн эдийн засгийн холбоотой (ЕАЭБ) Чөлөөт худалдааны түр хэлэлцээр байгуулан, хамтын ажиллагаагаа идэвхжүүлж байгаа нь бүс нутгийн улс төрийн сонирхолтой эсрэгцэл юм.

Армени улс 2027 эсвэл 2028 онд Европын Холбоонд элсэх өргөдлөө албан ёсоор гаргаж магадгүй хэмээн Никол Пашинян мэдэгдсэн байна.

Армени улсын Ерөнхий сайд Никол Пашинян "Euronews" агентлагт өгсөн ярилцлагадаа, тус улс 2027 эсвэл 2028 онд Европын Холбоонд (ЕХ) элсэх албан ёсны өргөдлөө гаргахаар төлөвлөж байгааг зарлалаа.

Тэрээр улс орныхоо гадаад бодлого, эдийн засгийн аюулгүй байдлын стратегийг шинэчлэх шаардлагатай байгааг тэмдэглэсэн байна. Армени улс сүүлийн үед Оросын тэргүүлдэг тус холбооны үйл ажиллагаанд оролцохоо багасгаж, Европын Холбоо болон барууны орнуудтай эдийн засаг, улс төрийн түншлэлээ илүүтэй гүнзгийрүүлэх алхмуудыг идэвхтэй хийх болсон юм. Пашиняны энэхүү мэдэгдэл нь тус улс ОХУ болон хуучин зөвлөлтийн бүрэлдэхүүнд байсан орнуудын эдийн засгийн нэгдлээс бүрмөсөн тусгаарлах түүхэн шийдвэр рүү шилжиж байгааг илэрхийлж байна.