АДМИН
2026 оны 05 дугаар сарын 11-нээс 05 дугаар сарын 20-ныг хүртэлх 10 хоногийн цаг агаарын урьдчилсан төлөвийг танилцуулж байна.
13-нд нутгийн баруун хагаст, 14-нд ихэнх нутгаар эрс сэрүүсэж, салхи, шороон шуургатай байна.
Хур тунадас: 11-нд Алтай, Хангай, Хөвсгөл, Хэнтийн уулархаг нутаг, Эг, Үүр, Орхон, Сэлэнгэ, Онон, Хэрлэн, Улз голын хөндийгөөр, 12-нд баруун аймгуудын нутгийн зарим газар, төвийн аймгуудын нутгийн баруун болон хойд хэсгээр, 13-нд төвийн аймгуудын нутгийн зарим газраар, 14-нд баруун аймгуудын нутгийн баруун хэсэг, төв болон говийн аймгуудын нутгийн зарим газар, зүүн аймгуудын нутгаар, 15-нд баруун аймгуудын ихэнх нутаг, төв болон говийн аймгуудын нутгийн зарим газар, зүүн аймгуудын нутгийн өмнөд хэсгээр, 16-нд нутгийн баруун хагаст, 17-нд нутгийн төв хэсгээр,18-нд нутгийн хойд хэсгээр, 19-нд Хангайн уулархаг нутгаар бороо, нойтон цас орно.
Салхи: 11, 15-нд Алтайн салбар уулс болон Арц Богдын өвөр хоолойгоор, 12, 17-нд нутгийн зарим газраар, 13-нд говь, тал, хээрийн нутгаар, 14-нд Дарьгангын тал нутгаар, 16-нд баруун аймгуудын нутгаар, 19, 20-нд нутгийн өмнөд хэсгээр түр зуур секундэд 16-18 метр хүрч ширүүсэж, шороон шуурга шуурна.
Агаарын температур: 12-нд ихэнх нутгаар халах боловч, 13-нд нутгийн баруун хагаст, цаашдаа ихэнх нутгаар сэрүүсэж Дархадын хотгор, Хүрэнбэлчир, Идэр, Тэс голын хөндий, Хөвсгөл, Хэнтийн уулархаг нутгаар шөнөдөө -3...-8 градус хүйтэн, өдөртөө +2...+7 градус дулаан, Алтай, Хангайн уулархаг нутаг, Туул, Тэрэлж голын хөндийгөөр шөнөдөө 0...-5 градус хүйтэн, өдөртөө +7...+12 градус, Их нууруудын хотгор, говийн бүс нутгийн өмнөд хэсгээр шөнөдөө +6...+11 градус, өдөртөө +18...+23 градус, бусад нутгаар шөнөдөө 0...+5 градус, өдөртөө +13...+18 градус дулаан байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 13, 17-нд бороо орно. Бусад хугацаанд бороо орохгүй.
Салхи: Ихэнх хугацаанд их төлөв баруунаас секундэд 5-10 метр, 13, 17-нд баруун өмнөөс хойш эргэж секундэд 9-14 метр хүрч ширүүснэ.
Агаарын температур: 12-нд шөнөдөө +9...+14 градус, өдөртөө халж +24...+29 градус дулаан, 13-наас сэрүүсэж шөнөдөө 0...+5 градус, өдөртөө +13...+18 градус дулаан байна.
|
Эх сурвалж
| ЦУОШГ
|
Нийгэм
