АДМИН
Өнгөрсөн 1 хоногийн цаг агаарын тойм мэдээг танилцуулж байна.
Баруун болон төвийн аймгуудын нутгаар 1-16 градусаар сэрүүсэж, төвийн аймгуудын нутгийн зарим газраар 1-8 мм хур тунадас орлоо.
2026 оны 05-р сарын 12-ны 08 цагаас 05-р сарын 13-ны 08 цаг хүртэлх цаг агаарын тойм мэдээ:
Хур тунадас: Өнгөрсөн хоногт баруун болон, төвийн аймгуудын нутгийн зарим газраар 0.1-8.1 мм бороо орсон байна. Үүнээс хамгийн их нь Архангайн Батцэнгэлд 8.1 мм, Өлзийтөд 7.0 мм, Булганы Могодод 6.0 мм бусад хэсгээр 0.0-5.0 мм бороо орсон байна.
Агаарын хамгийн их температур: Өчигдөр өдөр говийн бүс нутаг болон Хангайн нурууны өвөр бэл, Туул, Хэрлэн голын сав газраар +29…+37 градус, Орхон-Сэлэнгийн сав газар, Хараа, Ерөө, Онон, Улз, Халх голын хөндий, Дорнод-Дарьгангын тал нутгаар +20…+28 градус, нутгийн баруун хойд хэсгээр 1-16 градусаар сэрүүсэж Увс нуур болон Дархадын хотгор, Монгол-Алтай, Хөвсгөлийн уулархаг нутгаар +4…+12 градус, бусад нутгаар +13...+19 градус дулаан байв.
Хамгийн бага температур: Өнгөрсөн шөнө баруун болон төвийн аймгуудын нутгаар өмнөх шөнөөс 1-14 градусаар сэрүүсэж, Увс нуур болон Дархадын хотгор, Монгол-Алтай, Хангай, Хөвсгөлийн уулархаг нутаг, Завхан голын эх, Идэр, Тэс голын хөндийгөөр +2...-6 градус хүйтэн, говийн бүс нутгийн зүүн өмнөд хэсгээр +18...+23 градус, говийн бүс нутгийн баруун өмнөд болон хойд хэсэг, Дорнод-Дарьгангын тал нутгаар +10...+16 градус, бусад нутгаар +3…+9 градус дулаан хоносон байна.
Салхи: Ихэнх нутгаар секундэд 7-12 метр, нутгийн зарим газраар секундэд 15-17 метр, түр зуур секундэд 26-28 метр хүрч ширүүсэн байна.
Улаанбаатар хот орчмоор: Өнгөрсөн хоногт бороо ороогүй. Салхи баруун өмнөөс зүүн хойш эргэж секундэд 11-16 метр, өчигдөр өдөр түр зуур секундэд 23-25 метр хүрч ширүүсэж шороон шуурга шуурлаа. Өдөртөө өмнөх өдрөөсөө 3 градусаар дулаарч +30...+32 градус, өнгөрсөн шөнө +5…+7 градус дулаан хоносон байна.
|
Эх сурвалж
| ЦУОШГ
|
Нийгэм
