Б.АМАРТҮВШИН
Япон улсын Канто бүс нутгийг чиглэн ойртож буй "Жанми" хар салхины улмаас 2026 оны зургаадугаар сарын 3-ны өдөр үйлдэхээр төлөвлөж байсан Улаанбаатар–Токио–Улаанбаатар чиглэлийн OM501 болон OM502 нислэгийг цуцалсан талаар “МИАТ” ТӨХК мэдээллээ.
Тус компанийн мэдээлснээр, цуцлагдсан нислэгийн зорчигчдыг зургаадугаар сарын 4-ний өдрийн нислэгт шилжүүлэн тээвэрлэх ажлыг зохион байгуулж байгаа аж.
МИАТ ТӨХК-иас цаг агаарын нөхцөл байдлаас шалтгаалсан өөрчлөлтөд хүлээцтэй хандан ойлгож буй зорчигчдод талархал илэрхийлжээ.
Нислэгтэй холбоотой дэлгэрэнгүй мэдээллийг 11-333-999 утсаар авах боломжтой юм.
|
Нийгэм
