АДМИН
Өчигдөр буюу наймдугаар сарын 04-ний өдөр Сүхбаатар, Дорнод аймагт аянга бууж хээрийн түймэр гарчээ. Тодруулбал:
Сүхбаатар аймгийн Асгат сумын Дөхөм 2 дугаар багийн “Улаан айраг" гэдэг газар /аймгийн төвөөс урд зүгт 110 км-т, сумын төвөөс зүүн урд зүгт 60 км/-т аянга бууж хээрийн түймэр гарсан тухай дуудлагыг 08 дугаар сарын 04-ний өдрийн 19:50 цагт хүлээн авсан. Тус сумын Байгаль орчны байцаагчаар ахлуулсан Мэргэжлийн ангийнхан очиж, 21:00 цагт хээрийн түймрийг цурамд оруулж, 21:40 цагт бүрэн унтраасан. Урьдчилсан байдлаар түймэрт 24 га талбай өртсөн байна.
Мөн Дорнод аймгийн Матад сумын Эрдэнэбадрах 6 дугаар баг "Лагийн хоолой" гэдэг газар /аймгийн төвөөс зүүн урд 290 км-т, сумын төвөөс зүүн урд зүгт 90 км-т/ Аянга бууж хээрийн түймэр гарсан тухай дуудлагыг 08 дугаар сарын 04-ний өдрийн 15:15 цагт хүлээн авсан. Сүхбаатар аймгийн Онцгой байдлын газрын 47 дугаар ангийн алба хаагчид, сумын Мэргэжлийн анги, Газрын тосны "Петро Чайна Дачин Тамсаг" ХХК-ийн 19 дүгээр талбайн ажилтнууд ажиллаж 08 дугаар сарын 05-ны өдрийн 07:00 цагт цурамд оруулж, бүрэн унтраахаар ажиллаж байна.
|
Эх сурвалж
| ОБЕГ
|
Нийгэм
