Б.БИЛЭГСАЙХАН
Японд улаан хоолойн хорт хавдрыг эмчлэх зориулалттай шинэ төрлийн эмийг худалдаанд гаргаж эхэлжээ. Уг эм нь генийн өөрчлөлттэй вирус ашиглан хорт хавдрын эсийг сонгомлоор халдварлуулж, устгах зарчимтай байна.
Токио хотод төвтэй Oncolys BioPharma компанийн мэдээлснээр, энэ нь улаан хоолойн хорт хавдрын эмчилгээнд тусгайлан зөвшөөрөгдсөн дэлхийн анхны онколитик вирусын эм аж.
Онколитик вирус нь хавдрын эс дотор үржиж, түүнийг дотроос нь устгахаас гадна дархлааны хариу урвалыг идэвхжүүлдэг. Харин эрүүл эд эсийг аль болох гэмтээхгүй байхыг зорьдог байна.
Тус компани эмийг зах зээлд гаргахын тулд Японы хатуу зохицуулалтын шаардлага, үйлдвэрлэлийн чанарын хяналт болон онцгой клиник туршилтын шалгууруудыг давсан гэж Nikkei мэдээлжээ.
|
Нийгэм
