АДМИН
Орон нутгийн брэнд бүтээгдэхүүнийг сурталчлах замаар зөгийн аж ахуй эрхлэгчдийн борлуулалт, үйл ажиллагааг дэмжих, хөдөө аж ахуйн аялал жуулчлалыг хөгжүүлэх зорилгоор “BeeDep-MONGOL 3” төсөл, "Хатан эх" зөгийн аж ахуй эрхлэгчдийн холбоо хамтран Дархан-Уул аймгийн “Шилдэг зөгийн бал шалгаруулах арга хэмжээ”-г анх удаагаа зохион байгуулж байна.
Шалгаруулалтад зэрлэг цэцэгсийн зөгийн бал, рапсын зөгийн бал, гурвалжин будааны зөгийн бал гэсэн 3 төрлөөр 39 дээж ирүүлсэн бөгөөд тэдгээрийн үнэр, өнгө, амт чанар, чихрийн хэмжээ зэргийг үнэлэн шилдгийг шалгаруулах юм.
Шүүгчээр Японы Олон Улсын Хамтын Ажиллагааны Байгууллага (JICA)-ын дэмжлэгтэй хэрэгжиж буй “BeeDep-MONGOL 3” төслийн менежер А.Нишияама, аймгийн Соёл, урлаг, аялал жуулчлал, залуучуудын газар, ХААГ, ХХААХҮЯ, ХААИС-ийн Дархан салбар сургуулийн багш мэргэжилтнүүд ажиллаж байна.
Маргааш буюу 9-р сарын 5-ны өдөр зөгийн балын үзэсгэлэн худалдаа Залуучууд театрын талбайд болно.
|
Нийгэм
