АДМИН
2026 оны 10 дугаар сарын 02-ноос 10 дугаар сарын 12-ныг хүртэлх 10 хоногийн цаг агаарын урьдчилсан төлөвийг танилцуулж байна.
Иргэд, хадланчид, тариаланчдын анхааралд:
03-нд нутгийн зүүн өмнөд хэсгээр бороо, нойтон цас, цас орж, зөөлөн цасан шуурга шуурна, бусад хугацаанд өдөртөө ихэнх нутгаар дулаарна.
Хур тунадас: 02-нд төвийн аймгуудын нутгийн зарим газар, говийн аймгуудын ихэнх нутаг, зүүн аймгуудын нутгийн өмнөд хэсгээр, 03-нд говийн аймгуудын нутгийн зүүн, зүүн аймгуудын нутгийн өмнөд хэсгээр, 05-нд Монгол-Алтайн уулархаг нутгаар, 06-нд Увс нуурын хотгор, Алтай, Хангай, Хөвсгөлийн уулархаг нутгаар, 07-нд Хангай, Хөвсгөлийн уулархаг нутгаар, 08-нд баруун, төв, зүүн аймгуудын нутгийн хойд хэсгээр, 11-нд баруун аймгуудын нутгийн баруун хэсгээр бороо, нойтон цас, цас орж, зөөлөн цасан шуурга шуурна.
Салхи: 02-нд говь, тал, хээрийн нутгаар, 06, 10-нд Алтайн уулархаг нутгаар, 07, 08-нд нутгийн зарим газраар, 11-нд нутгийн баруун хагаст секундэд 15-17 метр хүрч ширүүснэ.
Агаарын температур: Ихэнх нутгаар өдөртөө дулаахан Шөнөдөө Дархадын хотгор, Завхан, Заг, Байдраг голын эхээр -5...-10 градус, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж голын хөндийгөөр -1...-6 градус хүйтэн, говийн бүс нутгийн өмнөд хэсгээр +3...+8 градус дулаан, бусад нутгаар -2...+3 градус дулаан, өдөртөө Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан, Заг, Байдраг, Идэр, Тэс, Туул, Тэрэлж голын хөндийгөөр +5...+10 градус, говийн бүс нутгийн хойд хэсгээр +15...+20 градус, говийн бүс нутгийн өмнөд хэсгээр +20...+25 градус, бусад нутгаар +11…+16 градус дулаан байна.
Улаанбаатар хот орчмын 10 хоногийн цаг агаарын урьдчилсан төлөв
Хур тунадас: 02-03-нд шилжих шөнө ялимгүй цас, 08-нд хур тунадас орно.
Салхи: Ихэнх хугацаанд секундэд 5-10 метр, 06-нд баруун өмнөөс хойш эргэж секундэд 12-14 метр хүрч ширүүснэ.
Агаарын температур: 04-нийг хүртэл шөнөдөө -3...+2 градус, Яармаг-Сонгиноны орчмоор -2...-7 градус, өдөртөө +8...+13 градус дулаан, 05-наас дулаарч шөнөдөө 0...+5 градус дулаан, Яармаг-Сонгиноны орчмоор -2...+3 градус, өдөртөө +13...+18 градус дулаан байна.
|
Эх сурвалж
| ЦУОШГ
|
Нийгэм
