Б.БИЛЭГСАЙХАН
БНСУ-ын Сөүл хотноо болж буй Азийн ойн хамтын ажиллагааны байгууллага — AFoCO-гийн Ассамблейн XV чуулганаар “Уур амьсгалын өөрчлөлтөд тэсвэртэй ойн нөхөн сэргээлт, түймрийн тэсвэрлэх чадавхыг бэхжүүлэх, нүүрстөрөгчийн зах зээлийн бэлэн байдлыг хангах төв байгуулах” төслийг 1.08 сая ам.долларын нийт төсөвтэйгөөр баталлаа.
Засгийн газрын хэрэгжүүлэгч агентлаг Ойн газрын дарга О.Буяннэмэхээр ахлуулсан төлөөлөгчид тус чуулганд оролцож, Монгол Улсын ойн салбарын тэргүүлэх хэрэгцээ, хамтын ажиллагааны чиглэл, төслийн хэрэгжилтийг дэмжихэд байр сууриа илэрхийлэв.
Төсөл нь доройтсон болон түймэрт өртсөн ойг нөхөн сэргээх, мод үржүүлэг, сургалтын төвийг хөгжүүлэх, түймрээс урьдчилан сэргийлэх чадавхыг нэмэгдүүлэхийн зэрэгцээ ойн нүүрстөрөгчийн тооцоолол, мониторингийн суурийг бэхжүүлэхэд чиглэнэ.
“Тэрбум мод” үндэсний хөдөлгөөнийг урт хугацааны нөхөн сэргээлт, ойн хамгаалал, олон улсын хамтын ажиллагаатай уялдуулах бодит алхам боллоо.
|
Нийгэм
